Bizkaiko hiru enpresek ekinBarriren eredua aztertzen dute FVEMen

Joan den martxoak 25an, Bizkaiko Metal Enpresen Federazioaren (FVEM) egoitzak lan-gosari bat hartu zuen Bilbon, eta bertan, Bizkaiko hiru enpresak ekinBarri ereduarekin lehen kontaktua izan zuten. Lidergoaren eta talde-kudeaketaren eraldaketan oinarritzen den ekimen honek lan-giro konprometituago eta parte-hartzaileagoak sortzea du helburu, talentua erakartzea eta fidelizatzea hobetzeko, eta, ondorioz, enpresen lehiakortasuna eta jasangarritasun ekonomikoa indartzeko.

Topaketari hasiera eman zion Jorge Petralanda ekinBarriren koordinatzaileak, gosariaren helburua azalduz eta ekinBarriren metodologia sendoa nabarmenduz. "Gure proposamenak enpresei talentua erakartzen eta fidelizatzen laguntzen die, konpromiso handiagoa duten taldeak sortuz eta jendea motibatuta lanera joango den lan-inguruneak eraikiz", azaldu zuen Petralandak. Era berean, lehiakortasun handiko ingurune batean, eredu honek produktibitate handiagoa eta epe luzerako jasangarritasuna lortzeko tresnak eskaintzen dituela azpimarratu zuen.

Saioan zehar, ekinBarriren bi programa nagusi aurkeztu ziren: ekinBarri START, eredu honetara lehen aldiz hurbiltzen diren enpresentzat diseinatua, eta ekinBarri In Company, lidergoaren eta kultura korporatiboaren eraldaketan esperientzia handiagoa duten erakundeentzat egokitua.

AVEQ-KIMIKAko idazkari nagusia, Luis Blanco Urgoiti, ere topaketan izan zen, eta enpresetako harreman-ereduaren bilakaera nabarmendu zuen. "Gaur egun, laneko mugikortasuna etengabeko errealitatea da. Pertsonak fidelizatzeko, faktore ekonomikoa ez da nahikoa, proiektu sendo eta motibatzailea eskaini behar da. ekinBarrik intangibleak diren alderdiak sistematizatu eta neurtzeko aukera ematen du, ekinBarriTECH bezalako tresna teknologikoei esker", adierazi zuen Blancok.

Jardunaldian parte hartu zuten enpresak honako hauek izan ziren: Inser Robótica S.A., industria-automatizazioan espezializatua; STM Voltia, goi- eta behe-tentsioko mantentze-lanetan jarduten duena; eta Cointel, segurtasun-komunikazio sistemetan eta ingurune kritikoetan aditua. Hirurek interes handia azaldu zuten ekinBarrik euren taldeetan eta barne-prozesuetan izan dezakeen eraginaren inguruan.

ekinBarrilari Gonzalo Serrats Urrecha izan zen ekitaldiaren gidaria, eta ekinBarrik "taldeen barruan gauza ezberdinak egiteko" proposamena egiten duela azaldu zuen, ikuspegi praktiko eta eraldatzaile batekin. Serratsek nabarmendu zuen lana liderrarekin eta bere taldearekin aldi berean hasten dela, antolaketa-dinamikan benetako aldaketak sustatuz. "Ez da prestakuntza bat, ekintza da. ekinBarrik kontzientzia hartzen eta aldaketa prozesuan aurrera egiten laguntzen du. Bere oinarria benetako esku-hartzea eta teknologia erabiltzea da, unean bertan neurtzeko eta zuzentzeko", gehitu zuen.

Amaitzeko, Serrats adierazi zuten ekinBarrik ez duela enpresen negozio-eredua edo estrategia aldatzen, baizik eta erakunde barruko pertsonen arteko harreman-modua hobetzen duela. "Gakoa feedback azkarrean datza, taldearen pertzepzioa berehala ezagutzeko eta behar denean jarduteko aukera ematen duelako", nabarmendu zuen.

Topaketak lehen gerturaketa bat izateko balio izan zuen, eta bertaratutako enpresak ekinBarri eredua euren egituretan integratzeko aukera aztertzen ari dira, lidergo berritzaile eta eraginkorrago baterantz aurrera egiteko.